Si ndikon stina e vjeshtës në lëkurën tënde? E ke menduar ndonjëherë?

Mirëseerdhe! 😊

Si je sot?

Erdhi vjeshta! Stina që sjell një sërë sfidash të reja për tipet e ndryshme të lëkurës për shkak të ndryshimeve në kushtet e motit, si temperaturat më të ulëta, ekspozimi më i vogël në diell dhe lagështia më e madhe.

Në faqen e sotme të ditarit do të gjesh një përmbledhje të shqetësimeve të zakonshme për secilin tip lëkure gjatë vjeshtës dhe si edhe këshilla dhe produkte të përshtatshme për t'i trajtuar ato:

I marrim me radhë.

1.Lëkura e Thatë

Shqetësimet që ndjen:

-Dehidratim: Temperaturat më të ulëta dhe era mund të largojnë vajrat natyralë të lëkurës, duke çuar në më shumë thatësi dhe plasaritje.

-Ndjeshmëri dhe Irritim: Barriera e lëkurës mund të komprometohet më shumë për shkak të luhajtjes së lagështisë, duke e bërë lëkurën më të ndjeshme ndaj irritimeve.

Këshilla:

-Kalo në një Pastrues Hidratues: Përdor një pastrues të butë dhe kremoz që nuk largon vajrat natyralë të lëkurës.

I përshtatshëm për ty: Larësi Hydro Cloud

-Shtresëzo Lagështinë: Zgjidh një krem hidratues më të pasur që përmban ceramide, acid hialuronik, ose glicerinë për të mbajtur hidratimin në lëkurë.

I përshatshëm për ty: Krem-Xhel Hydro Cloud

-Përdor Serume Hidratues: Shto një serum me acid hialuronik para aplikimit të kremit hidratues për të tërhequr dhe mbajtur lagështinë në lëkurë.

I përshtatshëm për ty: Serumi Hydro Cloud

-Përdor Një Lagështues Ajri: Për të luftuar thatësinë e brendshme, përdor një lagështues ajri për të ruajtur nivelet optimale të lagështisë në shtëpi.

-Shmang Ujin e Nxehtë: Përdor ujë të vakët për larjen e fytyrës, pasi uji i nxehtë do ta largojë më shumë lagështinë e lëkurës.

Jepi hidratim shtesë lëkurës 1-2 herë në jave me: MaskënThirst Relief 

2.Lëkura e Yndyrshme

Shqetësimet që ndjen:

-Luhajtje në Prodhimin e Yndyrës: Temperaturat më të ulëta i japin lëkurës sinjale për të prodhuar më shumë yndyrë, duke shtuar shpërthimet e akneve ose shkëlqimin nga vaji.

-Dehidratim: Edhe lëkura e yndyrshme mund të dehidratohet, duke çuar në një rritje paradoksale të prodhimit të yndyrës për të plotësuar mungesën e lagështisë që i nevojitet.

Këshilla:

-Përdor Kremra të Lehtë Hidratues: Pa përmbajtje vajore, jo-komedogjenikë me përbërës si glicerinë ose acid hialuronik për të hidratuar lëkurën pa bllokuar poret.

I përshtatshëm për ty: Kremi Mattifying Balance

-Eksfolio Butë: Eksfolimi i rregullt (2-3 herë në javë) me një eksfoliues të butë, si acidi salicilik, mund të ndihmojë në mbajtjen e poreve të pastra dhe në reduktimin e yndyrës së tepërt.

I përshtatshëm për ty: Serumi Blemish Control

-Maska me Argjilë: Përdor maska me argjilë për të ndihmuar në kontrollin e prodhimit të yndyrës si dhe për të pastruar poret.

E përshtatshme për ty: Maska Pastruese Radiance

-Shmang Pastrimin e Tepërt: Përdor një pastrues të butë pa sulfate për të shmangur largimin e vajrave të domosdoshëm sepse kjo do të bëjë që lëkura jote të prodhojë akoma më shumë yndyrë.

I përshtatshëm për ty nëse ke akne: Blemish Cleansing Foam

I përshtatshëm për lëkurë të yndyrshme pa akne: Pore Refine Cleanser

3.Lëkura e Kombinuar

Shqetësimet që ndjen:

-Faqe më të Thata dhe Zonë T më të Yndyrshme: Lëkura e kombinuar mund të përjetojë më tepër thatësi në disa zona (faqet) dhe yndyrë të shtuar në disa të tjera (zona T).

-Luhatje Hidratimi: Vështirësia e gjetjes së një ekuilibri midis dhënies së lagështisë së duhur në zonat e thata pa shkaktuar shtim të yndyrës në zonat e tjera.

Këshilla:

-Përdor një Larës të Balancuar: Zgjidh një larës të butë dhe hidratues që mund të trajtojë si thatësinë ashtu edhe yndyrën pa ta irrituar lëkurën.

I përshtatshëm për ty: Pore Refine Cleanser

-Përdor Disa Hidratues: Apliko një krem më të pasur në zonat e thata dhe një hidratues më të lehtë në zonat e yndyrshme për të trajtuar njëkohësisht dhe në mënyrën e duhur të dyja shqetësimet.

I përshtatshëm si për zonat e yndyrshme si për ato të thata: Krem-Xhel Ujor Jo Vajor Hydro Cloud

-Bëj Trajtime Specifike: Përdor produkte që thithin yndyrën në zonën T (si maskat me argjilë ose serume me niacinamide) dhe serume hidratuese në pjesët e thata të fytyrës.

E përshtatshme për ty: Maska Pastruese Radiance

-Mbro Barrierën e Lëkurës: Fokusohu në ruajtjen e një barriere të shëndetshme të lëkurës duke përfshirë përbërës si ceramide dhe niacinamide.

I përshtatshëm për ty: Serumi Brightening Vit C

4.Lëkura e Ndjeshme

Shqetësimet që ndjen:

-Rritje e Irritimeve: Lëkura e ndjeshme mund të reagojë më shumë ndaj ndryshimeve të motit, duke pasur skuqje, irritim ose shpërthime të gjëndjeve si rosacea ose ekzema.

-Barrierë e Dobësuar e Lëkurës: Moti më i ftohtë mund ta bëjë lëkurën më të prirur ndaj dëmtimeve dhe ndjeshmërisë

Këshilla:

-Përdor Pastrues të Butë: Pa aroma, hipoalergjikë dhe me përbërës aktivë jo-agresivë për të shmangur irritimet.

-Hidratues për Forcimin e Barrierës: Kërko kremra hidratues me përbërës që riparojnë barrierën si ceramidet, panthenol, ose centella asiatica për të forcuar mbrojtjen natyrale të lëkurës.

I përshtatshëm për ty: Krem-Xhel Brightening Vitamine C

-Rrallo Eksfolimin: Ul frekuencën e eksfolimit dhe shmang eksfoliuesit e ashpër. Nëse është e nevojshme, zgjidh eksfoliues të butë dhe qetësues.

-Shmang Irrituesit Potencialë: Minimizo përdorimin e përbërësve aktivë si retinoidet ose AHA/BHA gjatë periudhave të ndjeshme dhe integroi ato shumë ngadalë në rutinën tënde. 

5.Lëkura Normale

Shqetësimet që ndjen:

-Dehidratim i Lehtë ose Thatësi të Përkohshme: Ndryshimet klimatike mund t’i shkaktojnë lëkurës normale pak thatësi të përkohshme ose dehidratim.

-Ruajtja e Shëndetit të Lëkurës: Edhe pse përgjithësisht ajo është e balancuar, lëkura normale ka gjithsesi nevojë për përkujdesje për të qëndruar në gjendjen e saj të shëndetshme.

Këshilla:

-Ruaj Hidratimin: Përdor një krem hidratues me teksturë të lehtë ose mesatare për të ruajtur hidratimin dhe për të mbrojtur barrierën e lëkurës.

I përshtatshëm për ty: Kremi Oxygen Moisture

-Përshtatje Sezonale:  Konsideroni shtimin e një serumi hidratues ose kalimin në një krem hidratues pak më të pasur ndërkohë që temperaturat ulen.

I përshtatshëm për ty: Serumi Hydro Cloud 

Këshilla të Përgjithshme për Kujdesin e Lëkurës gjatë Vjeshtës:

1.Kremi kundër diellit është ende i rëndësishëm:

Pavarësisht se ekspozimi në diell është më i vogël krahasuar me stinën e verës, rrezet UV ende vazhdojnë ta dëmtojnë lëkurën. Përdor krem dielli me të paktën SPF 30 çdo ditë.

Të përshtatshëm për ty:

SPF50 Kundër Ndotjes së Mjedisit: City Guard Anti Pollution

SPF50 Hidratues dhe ngjyrues: Daily Sunscreen

SPF30 Hidratues dhe mbulues: CC Complete Cream

2.Hidratohu nga Brenda

Pi shumë ujë dhe konsumo ushqime hidratuese si fruta dhe perime për të rritur hidratimin e lëkurës nga brenda.

3.Mbro Buzët dhe Duart

Përdor balsame për buzët me SPF dhe kremra për duart për të parandaluar çarjen dhe thatësinë për shkak të motit më të ftohtë.

Për buzë të ushqyera dhe hidratuara: Lip Plump

Për duar të ushqyera dhe hidratuara: Krem për Duart

4.Përshtate Rutinën tënde Ngadalë

Filo ndryshoje rutinën e kujdesit të lëkurës ngadalë për ta përshtatur me nevojat e ndryshme që lëkura jote mund të ketë.

5.Përdor Antioksidantë

Shto serume ose kremra me antioksidantë (si vitamina C ose E) për mbrojtje të shtuar kundër dëmtimeve mjedisore dhe për të ruajtur shëndetin e lëkurës.

Gjithçka të duhet është ky: Serumi Brightening Vitamine C

Çdo fazë e re kërkon kohën e saj të përshtatjes, merre me qetësi, identifiko saktësisht probematikën tënde dhe mbi të gjitha zgjidh produktet e duhura për ta trajtuar siç duhet dhe pa pasoja.

Shihemi tek faqja e radhës.

Kujdesu për veten!

Të përqafoj!